كيكة الجزر carrot cake recipe
طريقة عمل وصفة كيكة الجزر – كيكة هشة ولذيذة وسهله وسريعة كانها جاهزه مكتوبة بالصور
easy carrot cake recipe at home
مكونات ومقادير عمل وصفة كيكة الجزر :
كوبين ونص طحين أبيض + شوي عشان الصينيه
حوالي ٣٤٠ جم جزر مبشور على حجم وسط يعني موب أصغر فتحة في المبشرة ولا أكبر وحدة
تجنبا للمشاكل الله يعينك عاد أوزني الجزر.
ملعقة شاهي بيكنج صودا
ملعقة شاهي بيكنج باودر
١/٤ملعقة صغيرة قرفة مطحونة
١/٤ملعقة صغيرة جوزة طيب مطحون
١/٤ملعقةصغيرة allspice إذا لقيتيه مدري وش إسمه بالعربي
١/٢ملعقة صغيرة ملح
كوب وثلث سكر أبيض عادي
١/٤كوب مضغوط سكر بني غامق
٣بيضات
حوالي ١٧٠ جم زبادي
حوالي ١٧٠ جم زيت
للخلطة اللي فوق :
٢٣٠جم فيلادلفيا
٤ملاعق زبدة دافية
ملعقة صغيرة فانيلا
كوبين سكر مطحونه
كيفية وطريقة عمل وتحضير و إعداد وصفة كيكة الجزر :
سختي الفرن على٣٥٠ فهرنهايت
أول شي إدهني صينية الفرن بزبدة بعدين رشيها بطحين وشيلي الزايد ، او لفيها بورق زبدة
حجم الصينية يفضل تكون دائرية قطرها حوالي ٩ إنش.
أنخلي المواد الجامدة مع بعض ( بدون السكر طبعا السكر يعتبر سايل في الحلويات ) ،
وبعدين حطيها عالجزر المبشور و أخلطيها شوي بيدك.
الحين حطي المواد السايلة في خلاط معدا الزيت في خلاط و أخلطيهم و بنفس الوقت
صبي الزيت من الفتحة اللي فوق .الهدف هنا
إنك تخلطين المواد مع بعض صح بحيث إنك ما تضطرين تخلطين كثير في الخطوة الجاية وهذا اللي يخلي كيك كثير ناشف.
الحين صبي المواد السايلة على الجامدة و أخلطي بملعقة خشب
حوالي ١٠ ثواني لا أكثر !!!!! حتى لو بقى شوي قطع عادي تروح في الفرن .
صبيها في صينية الفرن
وعالفرن حوالي ٤٥ دقيقة بعد ٤٥دقيقة نزلي الحرارة ل ٣٢٥
و أطبخيها زود ٢٠ دقيقة .
طلعيها من الفرن وخليها تبرد يمكن ربع ساعة بعدين طلعيها من القالب وخليها تكمل تبرد
وبنفس الوقت سويي الخلطة اللي فوقها
أخلطي كل المواد ما عدا السكر بخلاط يدوي ، بعد ما ينخلطون زين حطي السكر
و أخلطي زييييين . وبس ، خليه في الثلاجة ١٥ دقيقة بعدين زييني الكيك فيه .
وبس
