شوربة الفطر والشعير

طريقة عمل وصفة شوربة الفطر والشعير – mushroom barley soup recipe شوربة سهلة وسريعة ولذيذة  مكتوبة بالصور

شوربة سهلة وهذي الطريقة أنا متأكد إنها راح تعجبك بس أرجع و أقول دايما جودة الأشياء هي اللي بتعطي الشوربة طعمها .

مكونات ومقادير عمل وصفة شوربة الفطر والشعير :

٢كوب شعير حب
كوب ونص مرق دجاج للشعير + ٤ أكواب مرق دجاج للشوربة .طبعا مرق دجاج يعني مرق دجاج موب ماجي !
بصلتين كبار مقطعة
فصين ثوم مقطعة شرايح
عودين كرفس مقطعة صغار
حوالي ٧٠٠ – ١٠٠٠ جرام فطر طازج !!! ما ينفع أبدا أبدا أبدا هنا المعلب .. مقطع شرايح
٣ملاعق زبدة
ملعقة زيت زيتون
ملعقتين كبار طحين
ملعقة كبيرة خل بلسمك أو شيري
١/٢كوب ساور كريم
١/٢كوب قشطة خفق

كيفية وطريقة عمل وتحضير و إعداد وصفة شوربة الفطر والشعير :

أول شي نطبخ الشعير في قدر صغير مع المرق حقه مع ربع ملعقة ملح على غلية خفيفة حوالي نص ساعة أو إلين يلين

بعدين ذوبي الزبدة و الزيت في قدر وعلى حرارة وسط
أطبخي البصل و الكرفس إلين يذبل بعدين حطي الفطر و الملح والفلفل وعلي الحرارة إلين أعلى شي عشان تلونين الفطر مع التحريك المستمر راح تاخذ شوي وقت العملية هذي
بعدين نزلي الحرارة مرة ثانيه للوسط وحطي الثوم و أطبخيه شوي بس،
بعدين حطي الخل + كوب مويه وحركي زين مع مسح قاع القدر عشان تذوبين كل القطع البنية اللي بتعطي الشوربة نكهتها

بعد ما يختفي السائل رشي الطحين عليها وحركي زين حوالي دقيقة هذا اللي راح يثقل الشوربة .
الحين أضيفي المرق وخليها تغلي على غلية جدا خفيفة حوالي ربع ساعة.
الحين أضيفي الشعير المطبوخ و حركيه شوي و بعدين أضيفي الساور كريم و القشطة وخليها تطبخ بس لا تخلينها تغلي أبدا !!! أو فيه إحتمال تفصل القشطة يعني أنتبهي .

آخر شي ذوقي الشوربة و تأكدي من الملح والفلفل

لو تبين أطعم بعد حطي فطر مجفف لو لقيتيه راح يعطي نكهة فطر قوية.