وصفة البان كيك الاصلية

طريقة عمل وتحضير و إعداد وصفة البان كيك الاصلية pancakes مكتوبة من المطبخ الامريكي بالصور

مكونات ومقادير عمل وصفة وصفة البان كيك الاصلية :

كوبين طحين متعدد الإستخدامات منخولة
ملعقتين كبار بيكنج باودر
ملعقتين كبار سكر
١/٢ملعقة شاهي ملح
كوبين لبن (صدقيني هذا للي يسوي كل الفرق)
بيضتين
ملعقتين كبار زبدة أو زيت

كيفية وطريقة عمل وتحضير و إعداد وصفة البان كيك الاصلية :

أول شي إنخلي المواد الجامدة مع بعض

أخلطي المواد السايلة في صحن

بعدين في صحن خلط حطي المواد الجامدة في جهة من الصحن و حطي الموادالسايلة في الجهة الثانية

بعدين إبدي إخلطي إلين ما تلاقينها تقريبا إنخلطت 

لاحظي إني قلت تقريبا إنخلطت زي ما أقول كل مرة لا تخلطينها كثير عشان ما تسير ناشفة

إخلطيها شوي شوي إلين ما كل الطحين يختفي تقريبا يعني عادي تلاقين كتل طحين لاتحطين حيلك فيها هذي بتختفي في الخطوة اللي بعدها .
الحين خلي الخليط يرتاح شوي ٥ دقايق.
بعد ٥ دقايق بتلاقين الخليط صار شكله غريب
الحين سخني الصاج لو عندك أو مقلة عادية على حرارة وسط
و بعد ما تحتر إدهنيها بشوي زيت

الحين بمغرفة صبي حوالي مغرفة من الخليط على المقلة في مكان واحد ( عشان تجيك دائرية )
و إنتظري إلين تطلع فقاعات للسطح بعدين إقلبيها.

ملاحظة :

إنتبهي لا تخلطين الخليط كثير بعد ما يرتاح مهم جدا إن الهوا اللي جوا يبقى جوا.

البانكيك ياخذ حوالي ٣ – ٥دقايق عشان يستوي

قدميها مع شيرة البانكيك ( طبعا النوع الأصلي ) و زبدة

لو تحبين قدميها بعد مع موز و بيكان محمص أو لوز عادي بعد ينفع