حلى التراميسو الايطالي
وصفة حلى التراميسو الايطالي – tiramisu recipe سهل وسريع ولذيذ وبارد من المطبخ الايطالي بالصور
مكونات ومقادير عمل وصفة حلى التراميسو الايطالي :
حوالي كوب إسبريسو مخففة بكوب مويه ،
أنا لأني أموت في شي إسمه إسبريسو أسويها بكوبين بس أنتي ورغبتك عاد
مخلوط معاها ملعقة كبيرة سكر .
١/٢كوب سكر
4صفارات بيض
نص كيلو جبن ماسكاربوني
كوب قشطة خفق بارد
حوالي ٣٦ حبة أصابع السيدة أو الليدي فينجر
قشر برتقال أو فانيلا أو حتى شوي إسبريسو ( إختياري)
كيفية وطريقة عمل وتحضير و إعداد وصفة حلى التراميسو الايطالي :
أول شي في حمام مائي أخفقي البيض و السكر بخلاط يدوي أو باليد إلين ما يتضاعف حجمه حوالي ٣ مرات (حوالي ٥ – ٨ دقايق).
لو تبين حطي النكهات اللي تبين الحين ، إستخدمي فانيلا أوبرتقال لو تحبين بس أنا زي ماقلت أعشق القهوة عشان كذا أستخدم يمكن شوت إسبريسو مع البيض و السكر.
بعدين شيليها من الحمام و أخلطي معاها المسكربوني.
الحين في صحن معدني نظيف وبارد ومضرب خلاط بعد نظيف أخفقي القشطة إلين ما تثبت وتوصل مرحلة منقار الطير.
الحين أخلطي الإثنين مع بعض شوي شوي.
الحين جيبي صينية قزاز أو عاد أي شي أنتي وفنك في التزيين تبين أكواب، تبين صينية وحده كبيرة اللي تبين . أنا أستخدم صينية بايركس كبيرة و منها أستخدم قالب دائري و أقطعها على شكل دوائر قبل التقديم يطلع شكلها خرافي ، بس زي ماقلت أنتي وفنك.
غطسي البسكوت في الإسبريسو غمسه سرييعة ،راح تشرب القهوة بسرعة وتتفتت فأنتبهي إنك تغمسنها كثير.
رصيها في الصينية بعدين صبي فوقها نص الخلطة
بعدين باقي البسكوت
و باقي الخلطة فوقها .
رشي فوقها شكولاته بودرة للتزيين وطبعا ما يحتاج أقولك زينيها على كيفك .
حطيها في الثلاجة ٦ ساعات على الأقل ، تقعد في الثلاجة إلى يومين .
هذي طريقة تقليدية جدا لعمل التراميسو ولو تبين تعديل حلو قد سويته صدقيني جربيه مرة راح يعجبك .
أخلطي مع الزابيوني شكولاته بيضاء جدا لذيذة مع القهوة.
