شوربة التوم يم بالروبيان tom yum soup

طريقة عمل وتحضير و إعداد وصفة شوربة التوم يم بالروبيان tom yum soup مكتوبة من المطبخ التايلندي بالصور

الكافر لايم نوع من أنواع الحمضيات . ثمر هذا الشجر مر ومافيه عصير كثير وما يستخدم في الغالب في الطبخ اللي يستخدم هو الورق و بشر الثمر بس . هذي الشوربة يميزها التوازن بين الحار و الحامض عشان كذا هو مكون مهم هنا .. عموما لو ما لقيتيه مررررررره مشي حالك بعصير اللايم العادي . بس حاولي تدورينه بيكون غير ترى .

مكونات ومقادير عمل وصفة شوربة التوم يم بالروبيان tom yum soup:

٤ أكواب مويه
كوب ربيان مقشر ومنزوع العرق اللي في الظهر
نص علبة فطر طازج ويفضل لو كان فطر شيتاكي مقطعة أنصاص
حبتين لايم ( ليمون أخضر )
عود ليمون جراس
٣ أوراق كافر لايم
تقريبا ملعقتين كبار صوص السمك fish sauce
١/٢ كوب كزبرة مفرومه شوي
٣ حبات فلفل حار يفضل يكون من النوع التايلندي الأحمر النحيف

كيفية وطريقة عمل وتحضير و إعداد شوربة التوم يم بالروبيان :

قطعي الليمون جراس ٤ قطع تقريبا . بعدين أضربي كل جزأ بظهر السكين في أماكن متفرقه عشان تطلعين نكهته .

أغلي المويه . بعدين حطي الليمون جراس ، الفطر ، الفلفل التايلندي ، ورق الكافر لايم و أطبخيهم شوي بس . حطي الربيان وأول ما يقلب برتقالي قفلي النار عشان ما يصير ناشف .

حطي من صوص السمك إلين تصير مالحة حسب ذوقك ( في الأكل التايلندي صوص السمك بديل للملح تقريبا ) .

أعصري اللايم بعد حسب ذوقك . بعدين حطي الكزبرة وشيلي الكافر لايم و الليمون جراس كونها ما تنوكل . وقدميها . الشوربة ماتاخذ دقايق في التجهيز .